Министерството за внатрешни работи информира дека во периодот од 1 април до 18 август 2025 година, се приведени вкупно 39 лица во врска со подметнување пожари на отворен простор. По спроведените мерки, поднесени се 25 кривични пријави. Според истражувањата, најголемиот дел од пожарите се предизвикани од човечки фактор, со различни мотиви, а се преземаат активности за расчистување на случаите и откривање на евентуалната поврзаност меѓу нив.
Дополнително, од 1 јули 2025 година, откако е воведена забрана за движење во шумите без писмено одобрение, 22 лица биле затекнати во прекршување на оваа забрана до 30 јули 2025 година. Против нив ќе бидат поднесени соодветни поднесоци согласно Законот за шуми.
Во рамките на превентивните мерки за спречување на пожари, полициските служби активно користат дронови за мониторирање на шумските појаси во државата. Со воведувањето на овие оперативни мерки, значително е зголемена ефикасноста во раното предупредување и лоцирање на можните пожари, како и во детектирањето на причините или причинителите на истите.
