На денешен ден пред 50 години од производните ленти на фабриката на Volkswagen во Волфсбург се симна првиот произведен Golf 1. Сето останато е историја која од година во година се повеќе и повеќе се збогатува.
Од 1974 година па се до денес од овој автомобил се произведени над 37 милиони примероци што го прави еден од најпродаваните модели во историјата на автомобилизмот. Во просек, секој ден Volkswagen продава по импресивни 2 илјади примероци ширум светот.
Кецот на Голф покрај во матичната земја се произведувал и во Белгија, Австралија, САД, Јужна Африка, Малезија, Мексико и Југославија. Најголем виновник за неговото појавување беше Џорџето Џуџаро кој во последен момент се реши да го достави дизајнот, како-таков.
Денес во понудата германскиот производител ја има осмата генерација на Голф која во себе ја содржи целата историја на популарниот модел.
