Во Тетово, вчера во 09:20 часот, Итната медицинска помош пријавила дека во една од хотелските соби е пронајдено починато лице. Според информациите од СВР Тетово, станува збор за Т.М. (77) од селото Челопек, кој живее во САД и престојувал во хотелот од 17 септември 2025 година.
Портпаролот на СВР Тетово, Фатмир Реџепи, потврди дека по пристигнувањето на полициските службеници, е извршен увид на местото на настанот во присуство на јавен обвинител. По завршувањето на истрагата, телото на починатиот е предадено на судска медицина за обдукција, со цел да се утврдат причините за смртта.
