Општина Аеродром ќе го поддржи Македонскиот олимписки комитет во организацијата на овогодишното издание на Европскиот младински олимписки фестивал (ЕМОФ) Скопје 2025, што ќе се одржи од 19 до 26 јули и ќе ја обедини младинската спортска елита од цела Европа.
За таа цел, ги повикуваме сите заинтересирани лица да се вклучат како волонтери на овој мулитиспортски олимписки настан. Апликацијата за волонтер на спортскиот спектакл може да се најде на следниов линк: Volunteer Application EYOF 2025 Skopje – Google Forms.
Инаку, Фестивалот ќе се одржува во Скопје и во Куманово, при што ќе обедини повеќе од 4000 учесници од 48 европски држави и регионот, голем број домашни и странски гости, како и повеќе од 900 волонтери.
Повеќе информации за отворениот повик за волонтери може да се најдат на официјалните канали на фестивалот @skopje_2025 и @Macedonianolympics.
Извор: Општина Аеродром
