Ако се прашувате каде во Македонија се произведуваат највкусните и најквалитетни јуфки и тестенини, одговорот е едноставен – во село Град, недалеку од Делчево. Токму тука, семејството Апостоловски, по децении на искуство во Италија, започнало да создава нешто посебно за нашето поднебје.
Семејството, инспирирано од традиционалната италијанска кујна која ги слави тестенините, се враќа во својот роден крај и ја основа компанијата „Ал Соле“. Тие со себе го донесоа италијанскиот дух, но и здравата домашна традиција на македонската трпеза. „Ал Соле“ минатата година започна со производството на домашни јуфки и разноврсни тестенини, кои веднаш се издвоија со својот квалитет.
Јуфките од „Ал Соле“ се направени со најквалитетни домашни состојки – јајца, брашно и млеко, што ги прави уникатни на македонскиот пазар. За разлика од многу други производи, овие јуфки не се прават со вода, туку со внимателно избрани состојки. Освен класичните јуфки, тука се и интегралните јуфки, макарони, таљатели, ласањи и шпагети – сè што ви треба за една идеална и здрава трпеза.
„Ал Соле“ не е само пример за бизнис со огромен потенцијал – тоа е приказна за љубовта кон Македонија и за тоа како иселениците, кои се враќаат на својата татковина, можат да создадат нешто вредно и трајно. Со купувањето на производите од „Ал Соле“, не само што ќе уживате во квалитетна храна, туку и ќе го поддржите овој мал, но храбар бизнис кој посветено работи на реализација на својата визија.
Вкусете ги нивните производи и уверете се сами – квалитетни тестенини се прават и во Македонија!
