Meta, компанијата зад Facebook и Instagram, објави дека од 4 декември ќе започне со отстранување на корисниците од Австралија кои се помлади од 16 години. Оваа одлука доаѓа во пресрет на новиот закон за социјалните медиуми во Австралија, кој предизвика загриженост меѓу младите и активистите за права на децата.
Според новите правила, Meta ќе блокира нови сметки на корисници под 16 години и ќе ги укине постоечките профили. Оваа акција е дел од напорите на австралиската влада да се заштитат младите од потенцијално штетно содржај на интернет. Властите планираат да воведат строги казни за социјалните медиуми кои не ги почитуваат новите регулативи, со казни до 49,5 милиони австралиски долари.
Според податоците, во Австралија има околу 350,000 корисници на Instagram и 150,000 на Facebook на возраст од 13 до 15 години. Meta веќе започна да ги известува корисниците дека наскоро ќе им биде забранет пристапот до овие платформи. Во пораките што им ги испраќаат на младите, се наведува: “Скоро, нема да можете да користите Facebook, а вашиот профил нема да биде видлив ни за вас ни за другите.”
