Австриските власти најавија значајна промена во образовниот систем, која ќе влијае на учениците кои не владеат со германскиот јазик. Според новите одредби, учениците кои не покажуваат задоволително знаење на германскиот ќе мора да присуствуваат на интензивни часови по германски јазик пред почетокот на летниот распуст, кој во Австрија трае девет недели.
Министерот за образование, Кристоф Видеркер, истакна дека знаењето на германскиот јазик е клучно за напредокот во образованието и за успешен живот во Австрија. Оваа одлука е дел од пошироката интегративна политика на австриската влада, која вклучува коалиција помеѓу Австриската народна партија, Социјалдемократската партија и партијата NEOS.
Според податоците на Министерството за образование, околу 48.000 ученици под 15 години во Австрија не владеат доволно со германскиот јазик за да можат да следат настава. Во главниот град, Виена, дури една петина од учениците не знаат германски, а најголемиот дел од нив се сириски бегалци.
За родителите кои не ќе се придржуваат на новите правила, предвидени се финансиски казни. Оваа мерка е дел од напорите на австриската влада да се подобри интеграцијата на мигрантите и да се обезбеди подобра образовна основа за сите ученици.
