Во духот на радоста од Воскресението и светлината на Преображението Господово, вчера – во единаесеттата недела по Педесетница – епископот Антаниски г. Партениј отслужи Божествена Литургија во соборниот храм на Чесниот Претеча во Бигорскиот манастир. Со него сослужуваа браќата свештенослужители од Обителта.
На светата литургија присуствуваа многубројни верници, кои со побожност пристапија кон Светите Христови Таинства и ја споделија духовната радост од ова заедничко богослужение.
