На граничниот премин Табановце – Прешево, царинските службеници успеаја да спречат обид за криумчарење на луксузни часовници од страна на српски државјанин. При прегледот на возилото, во ранецот на возачот беа пронајдени два часовника од брендот „Ролекс“ и еден „Омега“, со вкупна вредност од 2,34 милиони денари, односно 38 илјади евра.
Возачот, во намера да ја избегне царинската контрола, ги сокрил часовниците во мала кожна кутија, која ја сместил во својот црн ранец заедно со други лични предмети. По откривањето на непријавените производи, против него е поднесена кривична пријава за криумчарење.
Запленетите часовници, вклучувајќи Rolex Submariner, Rolex Sky-Dweller и Omega Speedmaster, се предадени на Основното јавно обвинителство во Куманово за понатамошна постапка.
