По повод 84-годишнината од почетокот на македонското востание, вршителот на должноста градоначалник на Општина Кочани Венко Крстевски со претставници од Советот на Општина Кочани и делегации од Сојузот на здружението на борците од НОВ, Здружението на почитувачи на Јосип Броз Тито и на општински партиски ограноци, положија свежо цвеќе и оддадоа почит на жртвите за слободна Македонија на Споменикот на слободата и на бистите на Љупчо Сантов и Раде Кратовче во Паркот на Револуцијата.
Честитајќи им го празникот на сите граѓани, Крстевски го истакна значењето на 11 Октомври за самобитноста и самостојноста на македонскиот народ и придонесот на Македонија во победата над фашизмот во Втората светска војна.
Извор:kocani.gov.mk
