Интензитетот на сообраќајот на државните патишта е зголемен поради летните одмори, а најголеми гужви се бележат на граничните премини Богородица и Дојран, каде времето на чекање е околу 30 минути. На останатите гранични премини од македонска страна, задржувањата се минимални.
Сообраќајот се одвива непречено по суви коловози, но АМСМ апелира на прилагодена брзина и зголемена внимателност, особено на делниците: Катланово – Велес, Маврово – Дебар – Струга, Виница – Берово и Кочани – Делчево, каде е можна појава на одрони.
До 31 август важи летниот режим на сообраќај со забрана за движење на товарни возила над 15 тони за време на викендите и при екстремни горештини. Ограничувањето не важи за возила со хуманитарна помош, животни, храна, нафта и опасни материјали.
На магистралниот пат А2 (Скопје – Охрид – Скопје) забраната важи за возила над 7,5 тони во одредени викенд-термини.
- Петок: 15:00–22:00 или 17:00–22:00 (во зависност од патот)
- Сабота: 07:00–12:00, 09:00–18:00, и 18:00–24:00
- Недела: 07:00–22:00 или 09:00–22:00
