Талин, 25 февруари 2025 (МИА) – Естонија е прва земја во светот што почна иницијатива за интегрирање на четботови (chatbots) и други алатки на вештачката интелигенција специјализирани за образование, во националниот образовен систем, соопшти естонската Влада.
Од 1 септември, од почетокот на новата учебна година, 20.000 средношколци – десетто и единаесетто одделение и нивните 3.000 наставници ќе имаат бесплатен пристап до „ЧетЏиПиТи Еду“ (ChatGPT Edu), алатка од „Опен ЕјАј“ (OpenAI), како и други алатки за вештачка интелигенција, се наведува во соопштението на Владата на Естонија.
Се планира следната година програмата да се прошири и на стручните училишта и на учениците од 10-то одделение, што значи уште 38.000 ученици и 2.000 наставници.
Конкурентноста на Естонија зависи од тоа колку добро ги подготвуваме младите луѓе за возраста на вештачката интелигенција, истакна министерката за образование Кристина Калас, додавајќи дека Естонија ќе инвестира многу во обуката на наставниците како дел од програмата „ЕјАј Лип“ (AI Leap).
Програмата ќе биде финансирана од јавно-приватната фондација „ЕјАј Лип“, развиена од Дигиталниот совет на претседателот и Министерството за образование и истражување, а во која ќе бидат вклучени бројни приватни претприемачи.
Од Марина Илиевска Извор МИА
