Вашингтон, 27 февруари 2025 (МИА) – Американското Федерално истражно биро (ФБИ) денеска обвини хакери поврзани со Северна Кореја за една од најголемите познати кражби на криптовалути, откако агенцијата заплени етереум во вредност од речиси 1,5 милијарди долари од компанија со седиште во Дубаи.
Хакерите „напредуваат брзо и конвертирале дел од украдените средства во биткоин и други виртуелни средства кои се расфрлани низ илјадници адреси на повеќе блок синџири“, се вели во соопштението на ФБИ.
Се додава дека се очекува средствата да се исперат и да се претворат во фиат валута, пренесуваат агенциите.
Хакерите крадат криптовалути „со дистрибуција на апликации за тргување со криптовалути кои се модифицирани за да вклучуваат штетен софтвер кој ја олеснува кражбата на криптовалути“, соопшти ФБИ.
Од Рената Пепељугоска Извор МИА
