Вaшингтон, 1 февруари 2025 (МИА) – Американскиот милијардер Илон Маск потроши вкупно повеќе од 290 милиони долари на изборите во 2024 година, поддржувајќи го претседателот Доналд Трамп и републиканците, според податоците на Федералната изборна комисија (FEC).
Документите, што ги покриваат последните пет недели од минатата година, открија и борба за влијание додека новата администрација на Доналд Трамп се подготвуваше да ја преземе функцијата, во која Маск, благодарение на финансирањето на кампањата, успеа да обезбеди невиден пристап во новата администрација, јави Си-Ен-Ен.
Новите поднесоци до Федералната изборна комисија во петокот покажаа дека Маск вложил околу 11,2 милиони долари во неговиот главен Политички акциски комитет (Супер ПАК) на последниот ден од годината, со што вкупното политичко давање за изборниот циклус е повеќе од 290 милиони долари, што е огромна сума на која и се близу само неколку мега донатори.
Од Златко Шумковски Извор МИА
