Претседателот на СДСМ, д-р Венко Филипче, изрази загриженост за состојбата во здравствениот систем, нагласувајќи дека актуелната власт се фокусира исклучиво на интересите на големите компании и приватни болници. Во неговото обраќање од Струмица, Филипче истакна дека здравството се наоѓа во хаос, а граѓаните не добиваат соодветна поддршка.
„Оваа власт секој ден покажува и докажува дека работи само за големите компании, за големите приватни болници, додека здравствениот систем тоне во хаос, а за граѓаните ништо не се прави“, рече Филипче. Тој постави прашање за тоа чии интереси ги застапува министерот за здравство и какви политики се креираат за доброто на граѓаните.
