ВЛЕН за Дебар продолжува со својата посветеност кон јазичната еднаквост, а последниот доказ за тоа е поставувањето на таблата на албански јазик на граничниот премин Блато. Оваа иницијатива следи по успешното поставување на двојазични табли во Белановце, Ќафасан и Блаце, и е резултат на упорниот труд на Мустафа Даути, заменик директор на Царината на Македонија и член на ВЛЕН.
Даути истакна дека поставувањето на таблата е само еден од многуте чекори кои се преземаат за да се обезбеди јазична еднаквост и институционално достоинство во сите делови на земјата. „По многу години занемарување, го враќаме она што е и законска и морална обврска, присуството на албанскиот јазик во јавниот простор. Ние не правиме пропаганда, туку конкретни дела. Довербата на граѓаните е наш аманет, а чесната работа е најголемата награда за таа доверба“, изјави Даути.
Со поставувањето на таблата во Блато, албанскиот јазик сега е присутен таму каде што му припаѓа – на јавниот простор, во институциите и во срцето на секој Албанец. Овој чин не само што симболизира нова ера на јазично достоинство, туку и потврдува дека ВЛЕН работи со посветеност и сериозност, носејќи видливи резултати за заедницата.
