Регионалниот пат Р1106 Македонски Брод – Скопје е целосно затворен за сообраќај поради пожар во националниот парк Јасен. Властите апелираат возачите да користат алтернативни правци сè додека патот не биде повторно отворен.
Општа состојба
Сообраќајот на останатите државни патишта се одвива непречено, по суви коловози.
Гранични премини
Поради летните одмори, интензитетот на сообраќај е зголемен. На ГП Табановце времето на чекање за излез од државата е околу 30–40 минути, додека на другите гранични премини нема подолги задржувања.
Препораки за возачите
АМСМ потсетува на внимателно управување со возилата, прилагодена брзина и почитување на сигнализацијата. Особено внимателно треба да се вози на делниците:
- Катланово – Велес,
- Маврово – Дебар – Струга,
- Виница – Берово,
- Кочани – Делчево,
каде постои ризик од одрони.
Ограничувања за товарни возила
До 31 август важи летниот режим на сообраќај: забрана за движење на товарни возила над 15 тони во викенди и при екстремно високи температури.
Термини на забрана:
- петок: 17:00 – 22:00 ч.,
- сабота: 09:00 – 18:00 ч.,
- недела: 09:00 – 22:00 ч.
Во денови со екстремни температури, забраната важи и од понеделник до четврток (11:00 – 17:00 ч.).
Специјален режим за А2 (Скопје – Охрид)
До 1 септември е забрането движење на товарни возила над 7,5 тони на оваа делница за време на викендите:
- петок: 15:00 – 22:00 ч.,
- сабота: 07:00 – 12:00 и 18:00 – 24:00 ч.,
- недела: 07:00 – 22:00 ч.
Мерката е воведена за да се олесни протокот на возила и да се намалат застои кон најпосетуваните туристички дестинации.
