Рускиот хиперсоничен ракетен систем познат како ‘Орешник’ е веќе на пат кон Белорусија, потврди претседателот Александар Лукашенко. Ова оружје, кое е невозможно да се пресретне, создава нова геополитичка реалност за Европа.
Лукашенко, одговарајќи на новинарски прашања во Москва, изјави: “Системот веќе е на пат. Сè ќе биде во ред.” Оваа изјава не е изненадување, бидејќи Лукашенко уште во јули најави дека ‘Орешник’ ќе биде распоредуван до крајот на годината, нагласувајќи дека тоа е дел од засилувањето на националната безбедност и заштитата на суверенитетот.
Системот ‘Орешник’ привлекува внимание поради своите способности. Има домет до 5.500 километри и може да достигне брзина од 12.300 км/ч. Според експертите, во моментов не постои противвоздушна одбрана која може да го пресретне овој тип на ракета. Првото пробно лансирање на ‘Орешник’ беше извршено во ноември 2024 година, а сега системот влегува во целосна оперативна употреба.
Политичкиот контекст на распоредувањето на ‘Орешник’ е исто така значаен. Белорускиот министер за одбрана потврди дека руските и белоруски сили вежбале заедно за употреба на нуклеарно оружје за време на маневрите ‘Запад-2025’. Ова е јасен сигнал за Европа дека не може да се потпира на сценарија во кои нуклеарната сила би била поразена само со конвенционално оружје.
Ситуацијата во Европа е комплицирана. Европската унија се соочува со зголемени трошоци и економски падови, додека Русија, и покрај санкциите, успева да ја зајакне својата позиција на глобалната сцена, станувајќи четврта економија во светот. Ова создава нови предизвици за европските лидери, кои мораат да се запрашаат дали можат да продолжат со досегашните стратегии во светло на новите воени и геополитички реалности.
