Во петокот, хрватскиот парламент донесе одлука да не ја признае Палестина како независна држава. Од вкупно 121 пратеник, 44 гласаа „за“ предлогот, додека 73 беа „против“, а четворица пратеници се воздржаа од гласање. Пратениците исто така расправаа за суспендирање на лиценците за извоз на оружје во Израел и за нови лиценци за трансфери преку хрватска територија.
Хрватскиот министер за надворешни работи, Гордан Грлиќ Радман, изјави во вторник во Њујорк дека „условите за признавање на палестинската држава сè уште не се исполнети бидејќи е потребно да се запрат конфликтите и да се ослободат сите заложници“. Неговата изјава дојде по повикот на претседателот Зоран Милановиќ за признавање на Палестина.
„Во овој момент, како и некои други важни европски земји, веруваме дека моментот на признавање сè уште не е дојден бидејќи конфликтите треба да престанат, сите заложници треба да бидат ослободени“, додаде Грлиќ Радман, нагласувајќи ја потребата за мирно решение на конфликтот.
