Општина Илинден продолжува со засиленото темпо на инфраструктурни проекти, а најнов проект за урбан развој е изградбата на сервисната улица „1“ во Јака. Проектот, кој деновиве официјално започна со градежни активности, претставува значаен чекор во подобрување на локалната патна мрежа.
Со изградба на коловоз во должина од 220 метри и широчина од 5 метри, како и тротоар со широчина од 1,5 метар од едната страна, се создаваат услови за безбедно и непречено движење на пешаците и возилата. Во рамки на проектот е опфатена изградба на систем за одведување на атмосферските води.
Увид во градежните активности изврши градоначалникот на Општина Илинден, Александар Георгиевски, кој истакна дека изградбата на оваа улица е од особена важност за жителите од овој дел на општината, пришто Општина Илинден останува доследна во својата мисија да гради, реконструира и модернизира, со јасна визија за создавање безбедни, современи и урбани услови за живот.
Со секој нов проект, Општина Илинден ја зацврстува својата позиција како пример за модерна и функционална локална самоуправа, која не само што ги слуша потребите на граѓаните, туку и активно работи на нивна реализација.
Извор: Општина Илинден
