Белград, 24 јануари 2025 (МИА) – Непознато женско лице удрило студентка на улицата „Јуриј Гагарин“ во Нов Белград откако со своето возило влетала во насобраните граѓани.
Полицијата во цивилна облека, која ги придружуваше учесниците на протестот во Нов Белград, запре жена која се обидела да побегне.
Таа со својот автомобил ги удрила редарите на почетокот на колоната, а потоа продолжила понатаму, удирајќи уште неколку од нив.
Жената која го управувала автомобилот исфрлила настрана неколку полицајци, додека претходно на хаубата ја носела повредената девојка.
Како што јавуваат српските медиуми, девојката е тешко повредена, свесна е и згрижена од екипа на Брза помош.
Во Србија денеска е генерален штрајк кој студентите во блокадата го најавија претходните денови. На штрајкот, покрај универзитетите низ државата и дел од основните и средните училишта, се огласија и многу компании, културни институции, угостителски објекти, мали претпријатија, организации, како и синдикалците во државните претпријатија и градските администрации.
Граѓаните денеска се собираат во градовите низ Србија за да ги поддржат барањата на студентите.
Од Пандорка Арсовска-Гацова /МИА
