Почитувани,
Ве известуваме дека во рамки на Проектот ,,Подршка на имплементација на регионалните системи за управување со отпад во Источниот и Североисточниот регион (NEA SKP2022EA-RP/013) финансиран од Европската унија, се организира јавна консултација за презентација на Регионалниот план за управување со отпад ( РПУО) како и Стратегиска оцена на животната средина(СОЖС).
Јавната консултација за Општините Куманово , Крива Паланка и Липково ќе се одржи на ден 27.11. 2025 година (четврток) во салата за седници на општина Куманово т.н (Комитет) со почеток во 10:00 часот.
Јавните консултации ќе вклучат :
-Презентација на главните карактеристики и цели на Регионалниот систем за управување со отпад,
-Преглед на наодите и препораките од Стратегиската оцена за животна средина и
-Отворена дискусија, забелешки, предлози и мислења од засгнати страни, општини , здруженија, организација и граѓаните.
Целта на оваа јавна консултација е да се обезбеди транспарентност, запознавање и учество на јавноста и вклучување на мислењата на локалната заедница во дизајнот и имплементацијата на новиот регионален план и интегриран систем за управување со отпад во согласност со националните и европските еколошки цели.
Регионалниот план за управување со отпад ги утврдува стратешките приоритети, инфраструктурата и потребните активности за одржливо управување со отпадот .
Стратегиската оцена ја оценува потенцијалната еколошка импликација на предложениот систем и предлага мерки за нивно ублажување и подобрување.
Засегнатите страни и заинтересираните граѓани може да достават писмени предлози на следниот линк: sene3@enviroplan.gr.
Сите добиени предлози ќе бидат разгледани и земени во предвид при финализирање на регионалниот систем за управување со отпад и Стратегискиот извештај за оцена на животната средина. Вашето учество е од суштинско значење за создавање почиста и поодржлива иднина
Проектот е финансиран од Европската Унија.
Извор:www.krivapalanka.gov.mk
