Изведувачот СТОИМЕНОВ ДООЕЛ Кочани на ден 02.02.2026 година (понеделник) ќе започне со поставување на сообраќајна сигнализација и примена на времениот режим на сообраќај при изведување на градежни работи во рамки на реконструкцијата на улицата „Индустриска“ во Делчево. Работите ќе се изведуваат согласно изменетиот режим на сообраќај во 6 (шест) фази. Пристапот за сопствениците и корисниците на деловните објекти лоцирани долж улицата ќе биде овозможен од страна на изведувачот.
За воспоставување на времениот режим на сообраќај ќе бидат поставени сообраќајни знаци и опрема со која ќе се води сообраќајот со цел овозможување на безбеден и непречен сообраќај за сите учесници. Времениот режим на сообраќај ќе биде во важност се до завршување на реконструкцијата на улицата „Индустриска“ во Делчево.
Се апелира до граѓаните да ја почитуваат поставената сигнализација, сообраќајните правила и прописи, да се движат со намалена брзина и зголемена претпазливост, со цел поголема безбедност во сообраќајот на сите учесници и навремено завршување на градежните работи.
Извор:www.delcevo.gov.mk
