Британската автомобилска компанија Jaguar, која е во сопственост на индиската компанија Tata, е една од првите компании која се откажа од моторите со внатрешно согорување. Оваа одлука, како што пренесува Klix.ba, може да доведе до тешкотии во прилагодувањето на традиционалните купци на новата филозофија на Jaguar. Времето ќе покаже дали маркетиншките и други стручњаци биле во право кога одлучиле дека по 90 години постоење, компанијата ќе престане да произведува автомобили со внатрешно согорување и целосно ќе се посвети на електрификацијата.
На саемот во Мајами, Jaguar го претстави концептниот модел Type 00, со новиот слоган „copy nothing“, што дополнително ја нагласува нивната посветеност на иновации. Иако не е политички коректно да се коментираат реакциите на јавноста за овој модел, не може да се негира дека легендарниот модел E-Type на Jaguar се смета за еден од најубавите автомобили на сите времиња.
Светот со нетрпение очекува продукциската верзија на електричниот модел Type 00, која ќе биде претворена во трообемна лимузина со четири седишта и се очекува да се појави на пазарот следната година. Jaguar најавува амбициозни планови за влез во најскапата класа на автомобили, во која доминираат Rolls-Royce и Bentley. Компанијата планира да генерира профит преку мала продукција на многу скапи и ексклузивни модели, кои не ќе бидат честа појава на патиштата.
Според најновите анализи, купувачите денес мотори и перформанси ставаат на 13-то место во своите приоритети. Оваа информација ги охрабрува стручњаците во Jaguar, кои веруваат дека се на правиот пат. Сепак, многу други се надеваат дека познатата „дивја мачка“ нема да заврши како несреќниот SAAB.
