Општина Крива Паланка ги известува сите правни и физички лица кои се заинтересирани за изнајмување на монтажно – демонтажни објекти на претходно утврдени локации поставени од страна на Општина Крива Паланка и тоа на локација кај Градски плоштад“, локација II со броеви од 51 до 60 и 44-1 до 44-7 согласно Програмата за поставување на урбана опрема на подрачјето на Општина Крива Паланка за временски периодот од 05.03.2026 година до 31.7.2026 година, дека можат да поднесат Барање до Општината за одобрување на некоја од дефинираните локации.Барањето може да се поднесе во период од објава на повикот па се до месец август или до искористување на локациите.
Сите заинтересирани правни и физички лица, потребно е да поднесат Барање до Одделение за урбанизам и заштита на животната средина при Општина Крива Паланка, по што ќе биде одреден временскиот период на изнајмување на штандот/монтажно –демонтажниот објект, по претходно платена административна такса за поднесување на барањето, како и утврдена и платена комунална такса за користење на јавни површини и надоместок за закуп на јавен простор/објект. Корисникот на продажен штанд / монтажно –демонтажниот објект има обврска да ги плати режиските трошоци за електрична енергија за нормално функционирање на објектот, на начин кој ќе биде утврден во договорот за утврдување на условите за изнајмување и користење на продажен штанд, кој ќе биде склучен помеѓу општината и корисникот.
Барателите можат да изнајмат продажен штанд/монтажно демонтажен објект за продажба на:
1. Весници, книги и списанија
2. Канцелариски и ситен асортиман
3. Сувенири и ракотворби
4. Детски играчки
5. Цвеќе
Поставените монтажно – демонтажни објекти, кои ќе бидат изнајмени од страна на правни и физички лица, ќе имаат можност да бидат со работно време од 10:00 до 22:00 часот, секој ден, во временскиот период од 05.03.2026 година до 31.07.2026 година.
Одредувањето на локацијата со продажен штанд ќе се спроведе по принципот „Прв дојден, прв услужен“.
Извор:www.krivapalanka.gov.mk
