Градоначалникот на општина Аеродром, Дејан Митески, ја поднел својата имотна состојба во Анкетниот лист до Државната комисија за спречување на корупцијата (ДКСК), каде што се наведени возила, сметки и депозити во негова и во сопственост на неговата сопруга.
Според пријавениот имот, Митески поседува три моторни возила, од кои две се во негова сопственост, а едно е стекнато на име на брачниот другар.
Во негов личен имот е заведено патничко возило Mazda 6GH TNG, произведено во 2009 година, купено на 13 март 2018 година за 350.000 денари. Исто така, градоначалникот во 2025 година набавил и нов Honda Forza 750 скутер, стекнат на 4 ноември и проценет на 760.140 денари.
Сопругата на Митески, пак, пријавила патничко возило Citroën C4 од 2006 година, купено во јуни 2023 година за 150.000 денари. Кај сите возила, како правен основ за стекнување е наведено договор за купопродажба.
Во делот на финансиските средства, Митески пријавил повеќе банкарски сметки. Тој поседува трансакциска сметка во денари, орочен депозит и девизна сметка во евра, каде средствата се пријавени како приход од плата или како трансакција од сопствена сметка. Неговата сопруга, исто така, има трансакциска сметка и два орочени депозити во денари, стекнати преку трансакции од сопствена сметка.
Анкетниот лист покажува дека градоначалникот и неговото семејство поседуваат комбинација од моторни возила и банкарски средства, без пријавување недвижности или други типови на имот. ДКСК редовно ги објавува анкетните листови на сите носители на јавни функции, со цел транспарентност и увид во нивната финансиска состојба.
