Сообраќајот на државните патишта низ земјава утринава се одвива непречено, по делници со повремено влажни коловози, информира АМСМ во редовниот утрински извештај.
Интензитетот на сообраќајот надвор од градските средини е умерен, а на граничните премини од македонска страна нема подолги задржувања ниту за влез, ниту за излез од државата.
Од АМСМ потсетуваат дека сѐ уште е на сила законската обврска за задолжително поседување зимска опрема во возилата, која важи до 15 март 2026 година, без оглед на моменталните временски услови.
Возачите се повикуваат на зголемена внимателност, прилагодување на брзината и почитување на сообраќајната сигнализација, особено на делниците што минуваат низ клисури, котлини и речни долини, каде постои можност од појава на одрони. Како критични се посочуваат правците Катланово–Велес, Маврово–Дебар–Струга, Виница–Берово и Кочани–Делчево.
Во зимскиот период останува затворен патниот правец Охрид–Ресен преку Националниот парк Галичица, каде забраната за сообраќај важи за сите видови возила до 31 март 2026 година.
Во меѓувреме, на повеќе патни правци низ државата се спроведуваат градежни активности и времен режим на сообраќај. Изменет режим е воспоставен на делницата Прилеп–Битола на Коридор 10, како и на скопската обиколница кај клучките Волково и Кондово, каде е затворена лентата за претекнување. Регулација има и на експресниот пат Крива Паланка–Страцин, како и на регионалниот пат Косоврасти–Мелнички Мост поради санација на свлечиште.
Од АМСМ апелираат возачите редовно да ги следат информациите за состојбата на патиштата и да ја планираат патувањето согласно актуелните услови.
