Коалицијата „Искуство за успех“ која ја сочинуваат Либерално – демократската партија (ЛДП), Граѓанската опција за Македонија (ГРОМ), Интегра – Македонска конзервативна партија и Партија за целосна еманципација на Ромите (ПЦЕР) ќе настапат со 10 кандидати за градоначалници на претстојните локални избори.
Стевчо Јакимовски е најзвучното име меѓу нив. Актуелниот градоначалник на Општина Карпош ќе се трка за петтиот мандат на овие избори. Неговиот партиски колега Александар Трајановски ќе биде еден од 18. кандидати за градоначалник на Град Скопје.
Во Кисела Вода, Коалицијата го кандитираше Оливер Поповски, а во Ѓорче Петров Љупчо Јаневски. Коалицијата ќе има кандидат и во Аеродром во името на Дејан Лазаревски.
Во општините надвор од Градот Скопје кандидати ќе има во Дебарца и тоа Даниел Огненовски, во Зелениково Зоран Маркоски, во Прилеп, Жарко Бошкоски, во Куманово, Виолета Арсовска и во Тетово, Самка Ибраимоски, претседател на ПЦЕР.
