Во вечерашното интервју на Канал 5 во емисијата „Вести Плус”, потпретседателот на Владата и министер за транспорт, Александар Николоски, изрази уверување дека на крајот од мандатот на актуелната Влада, Македонија ќе се позиционира како лидер во областа на инфраструктурата во регионот.
Николоски ги истакна тековните инфраструктурни проекти кои се реализираат низ целата земја, нагласувајќи дека тие ќе придонесат за значителен напредок и развој на инфраструктурната мрежа. Според него, овие инвестиции не само што ќе ја подобрат транспортната поврзаност, туку и ќе создадат нови можности за економски раст и развој.
