Од Министерство за внатрешни работи информираат дека во наредниот период ќе се спроведуваат активности во рамки на проектот „Безбеден град“, поврзани со тестирање и проверка на системите за сообраќаен надзор.
Како што соопштуваат од МВР, од 20 до 31 јануари 2026 година ќе се врши тестирање, калибрација и верификација на поставените камери за сообраќаен надзор. Активностите ќе се реализираат секој ден во периодот од 08:00 до 20:00 часот.
За време на спроведувањето на тестирањата, возилата на локациите каде што се работи нема да бидат пропуштани додека трае постапката, што може привремено да влијае врз протокот на сообраќајот.
Во првата недела од најавениот период, сите активности ќе се одвиваат исклучиво на локациите со поставени камери на подрачјето на Скопје, по што тестирањата ќе продолжат и на други локации.
Од МВР апелираат до граѓаните и сите учесници во сообраќајот да ги почитуваат привремените ограничувања, како и да покажат разбирање, трпение и соработка, со цел активностите да се реализираат безбедно и без поголеми застои.
Целосното соопштение прочитајте го ТУКА.
