Катманду, 23 август 2024 (МИА) – Најмалку 14 лица загинаа, 16 се повредени, а неколку се водат како исчезнати откако денеска автобус со десетици индиски аџии излетал од главниот автопат во Непал и паднал во реката Марсијангди.
Локалните власти сè уште не можат да го утврдат точниот број на исчезнати лица, како и точен број на патници во автобусот во моментот на несреќата. Се проценува дека во автобусот имало околу 40 лица.
Полицијата и воените спасувачи помагаа во извлекувањето на луѓето од автобусот.
Автобуските несреќи во Непал се случуваат главно поради лошо одржувани патишта и возила, а во голем дел од земјата планинските патишта се многу тесни. Во јули два автобуса беа погодени од одрони недалеку од местото на новата несреќа. Од 65-те луѓе во тие два автобуса, само тројца преживеаја, а многу од телата на жртвите никогаш не беа пронајдени. Исто така не се пронајдени ниту остатоците од автобусите.
Од Марина Илиевска/МИА
