Во неверојатен медицински подвиг, тимот на Универзитетската болница во Магдебург, Германија, успеа да спаси живот на бебе кое е родено со само 300 грама. Оваа бебе кое е родено 16 недели пред предвидениот термин, сега има шанси за нормален развој.
Според информациите од болницата, ова е исклучителен успех во медицината, бидејќи бебиња родени во такви услови имаат само 15% шанси за преживување. Бебето било на респираторна поддршка вкупно седум недели пред да може да дише самостојно. Главниот лекар, Ралф Бетгер, истакна дека процесот на лекување бил многу комплексен и барал внимателен и прецизен пристап.
„Семејството помина долго време во болницата, создавајќи и одржувајќи врска со своето дете. На крајот, девет недели по првобитно предвидениот термин, родителите успеаја да ја однесат својата ќерка дома“, изјави Бетгер.
Според Гинисовата книга на рекорди, најмладото преживеано бебе во светот е Неш Кин од САД, кое е родено 19 недели пред време и тежело само 283 грама. Тоа неодамна го прослави својот прв роденден.
Овој успех на германските лекари не само што е доказ за напредокот во медицината, туку и надеж за многу семејства кои се соочуваат со предвремено породување. Секој нов случај на спасување на такво бебе е чекор напред во борбата за живот.
