Утрово силен земјотрес со јачина од 7 степени според Рихтеровата скала го погоди крајниот исток на Русија, објави Европско-медитеранскиот сеизмолошки центар (EMSC).
Земјотресот бил регистриран во близина на јужниот брег на полуостровот Камчатка, со епицентар на длабочина од околу 40 километри. Се смета за најсилниот потрес по серијата што ја погодија областа на 30 јули, кога беше регистриран земјотрес со магнитуда од 8,8 степени – еден од најсилните во историјата на регионот. По него следуваа стотици афтершокови, некои со јачина до 6,5 степени.
Покрај тоа, утрово бил забележан и земјотрес со јачина од 6,5 степени според Меркалиевата скала во близина на Северокурилск, во Сахалинската област. Според Елена Семјонова, раководител на сеизмолошката станица „Јужен Сахалинск“, жителите на Северокурилск почувствувале потрес со јачина од четири степени.
Надлежните институции ја следат ситуацијата, а засега нема информации за жртви или материјални штети.
