Во Скопје, 18-годишен младиќ е приведен поради учество во две одделни тепачки пред угостителски објект. Според информациите од Министерството за внатрешни работи, инцидентот се случил синоќа, 20 минути по полноќ. Младиот скопјанец, идентификуван како М.К., прво се пресметал со двајца млади, М.З. (20) и А.И. (19), при што дошло до нарушување на јавниот ред и мир.
Во вториот инцидент, М.К. повторно бил вклучен во физичка пресметка, овој пат со А.И. и С.Х.А. (21). За време на конфликтот, тој извадил пиштол и го вперил кон нив, но бил совладан од обезбедувањето на угостителскиот објект, кое му го одзело оружјето. Министерството за внатрешни работи најави дека по целосно документирање на случајот, ќе бидат поднесени соодветни пријави.
