Министерството за транспорт објави соопштение со кое се соопштува дека од Меѓународниот аеродром Скопје ќе се воведат две нови авиолинии и тоа: Скопје – Женева и Скопје – Париз (аеродром Орли).
„Овие две дестинации се воведуваат на барање на дијаспората а ќе ги оперира авиокомпанијата Изиџет со тоа што линијата Скопје – Париз ќе започне да се оперира од 2 април, додека линијата Скопје -Женева од 3 ноември, оваа година. Овие две дестинации се дел од финансиската подршка што ја овозможува Владата преку Министерството за транспорт, а се во рамките на отворениот јавен повик за подршка за воведување на нови авиолинии.“ се вели во соопштението.
За потсетување, претходно беа потпишани договори за воздушно поврзување на Скопје со Истанбул, Базел, Дубаи, Штутгарт, Лион и Барселона.
