31 мај 2024 година, Торонто, Канада – Кон средината на мај, откриена е нова фасада на Македонската православна соборна црква “Свети Климент Охридски” во Торонто.
Македонската православна црква “Свети Климент Охридски” претрпе неверојатна трансформација со поставување на четири извонредни фрески на нејзината фасада. Изработени од маестралната рака на иконографот Глигор Стефанов од “Стефанов Икони Студио”, сликите на Богородица со малиот Исус, нашиот Господ Исус Христ и златниот православен крст сега ја красат надворешноста, прекрасно комбинирајќи ја уметноста со духовната величественост. Прекрасна почит на Свети Климент Охридски сега има поглед на булеварот “Оверлеа“ во чест на заштитникот на храмот и потсетувајќи на сите кои поминуваат на неговото наследство на мудрост, ученост и духовно просветлување.
– Од името на нашите парохиски свештеници отец Сашо Целески и отец Александар Тодоровски, претседателот на црквата Борис Стоикос и црковниот управен одбор упатуваат најискрена благодарност до Stefanov Icons Studio и нашите дарежливи добротвори што го овозможија ова надградување. Ја изразуваме нашата благодарност и до Митко Роштанковски, кој го предводеше проектот од идеја до финализирање. Им благодариме и на Миле, Емили, Христа и Боре за нивната поддршка во текот на целиот процес на изработка. Се надеваме дека ревитализираната фасада стои како светилник на верата и инспирацијата, симболизирајќи ја трајната моќ и духовната убавина на православната христијанска вера и на нашето македонско културно наследство, – се вели на крајот од изјавата на црковниот одбор на Македонската Православна Црковна Општина “Свети Климент Охридски”.
Светскиот Македонски Конгрес упатува искрени честитки до Македонската Православна Црковна Општина “Свети Климент Охридски”, донаторите и Стефанов студио за извонредната работа и конечно осветувањето на обновата на фасадата на црковниот храм.
