Танок стомак и виток струк се идеали за многумина, но сè повеќе жени забележуваат упорен вишок во пределот на стомакот, кој не реагира на диети или вежбање. Често, причината за оваа појава лежи во хормонскиот дисбаланс.
Што е хормонски стомак? Хормонскиот стомак не значи само вишок килограми, туку и нагомилување на масни наслаги во абдоменот, што често е резултат на нарушен баланс на хормони како што се кортизол, инсулин и пролактин. Иако мала количина на маснотии во овој дел може да биде нормална, хроничниот стрес, лошиот сон, неправилната исхрана и седентарниот начин на живот можат да доведат до сериозни нарушувања.
Кортизол, познат како хормон на стресот, игра клучну улогу во складирањето на маснотии во пределот на стомакот. Хронично повишениот кортизол, предизвикан од постојан стрес, недостаток на сон и прекумерна консумација на кофеин, го нарушува функционирањето на надбубрежните жлезди и го блокира процесот на согорување на маснотии.
Инсулинска резистенција е уште еден фактор кој може да доведе до хормонски стомак. Прекумерното внесување на шеќер и брза храна, заедно со недостаток на физичка активност, можат да го отежнат разградувањето на маснотиите. Повиеното ниво на пролактин, исто така, може да го успори метаболизмот и да предизвика таложење на маснотии, особено во пределот на стомакот, грбот и градите.
Како да се намали хормонскиот стомак? Првиот и најважен чекор е лабораториска анализа на хормоните, вклучувајќи проверка на хормоните на штитната жлезда, инсулин, кортизол и витамин Д. Откако ќе добиете резултати, можете да знаете што е во дисбаланс.
Промените во исхраната се клучни. Планирајте оброци без индустриски преработени намирници, со акцент на природни извори на протеини, здрави масти и сложени јаглехидрати. Редовниот режим на спиење, со одласка во кревет до 23 часот и будење помеѓу 6 и 7 часот, е исто така важен.
Физичката активност, дури и едноставни дневни шетње од 4.000 до 5.000 чекори, може да направи голема разлика. На крајот, управувањето со стресот е клучно. Обидете се да го намалите стресот или да најдете методи за опуштање по напорен ден.
Запомнете, здравјето доаѓа одвнатре. Наместо да се фокусирате само на изгледот, поддржете го вашето тело со балансиран начин на живот и резултатите нема да изостанат.
