Словенечката компанија „Геапродукт“ донесе одлука да ги повлече од продажба црвените пиперки увезени од Албанија поради утврдено присуство на високи нивоа на пестициди, конкретно ацетамиприд, формат и флоникамид. Според информациите објавени од словенечките медиуми, производот бил првично спакуван во картонски кутији, а потоа во пластични кеси.
Компанијата издаде предупредување дека поради вишокот на пестициди, производот не е безбеден за консумација. „Лицата кои биле во контакт со контаминираната храна треба да ги дезинфицираат рацете“, се наведува во соопштението. Клиентите се замолени да го вратат производот на местото од каде што го купиле, а ако тоа не е возможно, да го фрлат во биолошки отпад.
Во последните денови, Хрватска исто така уништи четири тони домати произведени во Албанија, откако било откриено дека се испрскани со хлорфенапир, и тоа во количини петпати поголеми од дозволените. Претходно, Хрватска и Босна и Херцеговина уништија десетина тони праски увезени од Албанија поради пронајдено високо присуство на тешкиот метал никел, кој може да предизвика сериозни здравствени проблеми, вклучувајќи канцерогени заболувања.
