Актуелното официјално знаме на Република Македонија датира од 1995 година. Поточно, истото е усвоено на 5 октомври 1995 година како замена за првото официјално знаме на самостојна Република Македонија.
Во 1995 година тогашната Влада на Република Македонија го задолжила Мирослав Грчев да подготвни неколку идејни решенија за ново знаме и нов грб на државата. Притоа, при изработката на идејните решенија морало да се внимава на два критериума: знамето да биде во црвено-жолта боја и да го користи сонцето како единствена апликација. За координатор на постапката за усвојување на ново знаме, од страна на Владата бил назначен тогашниот министер за внатрешни работи Љубомир Фрчкоски.
Од Мирослав Грчев како и од професорот Костадин Танчев – Динка, биле поднесени вкупно 12 предлози за знаме во која доминирална црвено-жолтата боја како и сонцето.
Во продолжение се прикажани 10-те предлози за знаме на Република Македонија кои влегле во потесниот круг на избор.
![Предлог-знаме кое било отфрлено при втората селекција за ново знаме на Македонија.[3]](https://upload.wikimedia.org/wikipedia/commons/thumb/1/18/Flag_proposal_of_Macedonia.svg/1920px-Flag_proposal_of_Macedonia.svg.png)
![Едно од првите 12 предлог-знамиња на Македонија, вклучувајќи ги и отфрлените во втората селекција.[3]](https://upload.wikimedia.org/wikipedia/commons/thumb/0/00/Flag_proposal_of_Macedonia_-_6.svg/1920px-Flag_proposal_of_Macedonia_-_6.svg.png)
