Собранието на Република Македонија минатата година склучило 72 договори за јавни набавки.
Вредносно најголема јавна набавка е направена со Македонски Телеком за услуги за мобилна телефонија. За ова е склучен рамковен договор во износ од 11.800.000 денари односно 191.870 евра. Потоа следи договорот со А1 Македонија за набавка на информатичка опрема во висина од 142.668 евра.
Само овие два договори надминуваат над 100 илјади евра. Сите останати се под овој праг. Така со 97.561 евра следи договорот за ангажирање на агенција за организирање на настани и сместување на лица учесници на настани. Овој договор е склучен со Војажер Туристик Сервис ДОО Скопје. Договорот со приватната агенција за вработување СПИД Скопје изнесува 89.756 евра и истиот се однесува за привремени вработувања. Во топ 5 договорите се наоѓа уште договорот со Некстсенс за превентивно одржување на системот Е-парламент во износ од 57.561 евра.
За поправка на фасада е склучен договор во износ од 53.721 евра, а договори за јавни набавки се склучени и за осигурување на движни и недвижни ствари, хотелско сместување (38.699 евра), печатарски услуги, огласување во медиуми, батерии за УПС, ресторански услуги (23.024 евра), тонери и кертриџи, хартија за печатење, тоалетна хартија и бришачи за раце (14.659 евра), декоративно цвеќе, знамиња, автомобилски гуми, пратенички легитимации…
