Панама Сити, 29 јули 2024 (МИА) – Панама ќе ги повлече своите дипломати од Венецуела и ќе ги прекине дипломатските односи по спорната изборна победа прогласена на актуелниот претседател Николас Мадуро, изјави претседателот Хозе Раул Мулино.
„Владата на Панама најавува повлекување на дипломатскиот персонал од Венецуела и суспензија на дипломатските односи додека не се изврши целосен увид на процедурата за пребројување на гласовите“, рече Мулино на прес-конференција.
„Од почит кон историјата на Панама, илјадниците Венецуелци кои избраа да живеат во нашата татковина и моите демократски убедувања, не можам да дозволам моето молчење да стане соучесништво“.
„Режимите што не ги почитуваат човековите права и ги кршат слободите не заслужуваат дипломатско признание“, рече Мулино.
Од Златко Шумковски/МИА
