Пет водечки европски земји – Обединетото Кралство, Франција, Германија, Шведска и Холандија – јавно ја обвинија Русија дека стои зад смртта на рускиот опозициски лидер Алексеј Навални, тврдејќи дека новите лабораториски анализи „конклузивно“ потврдиле труење со исклучително опасен токсин.
Обвинувањата беа соопштени за време на Минхенска безбедносна конференција, каде што беше наведено дека во ткивните примероци од телото на Навални е пронајден епибатидин – супстанца која природно се наоѓа кај отровните стрела-фрлачи од Јужна Америка, но може и синтетички да се произведе во лабораторија.
Британското Министерство за надворешни работи соопшти дека Москва имала: средств, мотив и можност за да го изврши труењето.
Петте држави најавија дека случајот ќе го пријават до Организацијата за забрана на хемиско оружје поради можно прекршување на Конвенцијата за хемиско оружје.
Руските власти ги отфрлија обвинувањата. Портпаролката на руското МНР, Марија Захарова, изјави дека „коментар ќе има дури откако резултатите ќе бидат официјално објавени“.
Москва и понатаму тврди дека Навални починал од природни причини, по нагло влошување на здравствената состојба во затворот.
Вдовицата на опозицискиот лидер, Јулија Навална, изјави дека новите наоди го потврдуваат она што го тврдела на почеток и дека претставува научен доказ за убиство.
Таа повторно директно го обвини рускиот претседател за смртта на нејзиниот сопруг.
Овој токсин: влијае на нервниот систем, предизвикува конвулзии и парализа, го забавува срцевиот ритам и може да биде смртоносен и при минимална доза
Научниците сметаат дека во случајот со Навални бил лабораториски синтетизиран.
Навални почина на 16 февруари 2024 година во арктичка казнена колонија, каде што издржуваше 19-годишна казна која ја нарекуваше политички мотивирана.
Тој беше најгласниот критичар на Кремљ, организираше антикорупциски протести, а преживеа труење со нервен агенс во 2020 година
Обвинувањата дополнително ги зголемуваат тензиите меѓу Русија и Западот и отвораат можности за нови санкции, правни постапки на меѓународно ниво како и дипломатски судири.
