Вашингтон, 11 април 2025 (МИА) – Цената на златото денеска првпат на светските берзи надминаа 3.200 долари, бидејќи инвеститорите бараат безбедно засолниште за капиталот во услови на слабеење на доларот и стравувањата дека трговската војна меѓу САД и Кина може да ја загрози глобалната економија.
На берзата унца злато попладне чинеше 3.223,36 долари, што е за 1,56 поскапо од вчера. Од почетокот на неделата цената на златото се зголеми за околу шест проценти.
На американската берза фјучерсите за злато се тргуваа по цена која беше повисока за 2,14 отсто, за речиси 3.228 долари по унца.
Додека унца сребро попладнево се тргуваше за 31,68 долари, што е за 1,56 проценти од вчера. Цената на паладиумот се зголеми за 1,6 отсто, на 923,18 долари, додека платината се тргуваше за 0,17 отсто повисока цена, на 939,62 долари.
Цената на златото минатата година се зголеми за повеќе од 28 отсто, а од почетокот на годината забележа раст од речиси 21 процент.
Од Марина Илиевска Извор МИА
