Рим, 23 август 2024 (МИА) – Италијанските спасувачи го пронајдоа телото на Хана Линч, последното исчезнато лице од јахтата што потона на 19 август во близина на Палермо.
Хана беше ќерката на британскиот технолошки тајкун Мајк Линч, кој исто така загина во бродската несреќа.
Вчера беше извлечено телото на Линч, а пред два дена беа пронајдени телата на другите четири жртви.
Британската јахта „Бејжн“ (Bayesian) долга 56 метри, со 22 патници и членови на екипажот, беше закотвена во близина на Палермо и на 18 август потона неколку минути откако беше погодена од невреме.
Линч беше еден од најпознатите технолошки инвеститори во Велика Британија. Тој ги покани пријателите да му се придружат на јахтата за да го прослават неговото неодамнешно ослободување во судскиот процес за измама во САД.
Освен 56-годишниот Линч и неговата ќерка, починаа Џуди и Џонатан Блумер, еден од шефовите на „Морган Стенли интернешнл“ (Morgan Stanley International), како и адвокатот на Крис Морвило и неговата сопруга Неда.
Од Марина Илиевска/МИА
