Москва, 9 мај 2025 (МИА) – Рускиот и американскиот претседател Владимир Путин и Доналд Трамп разменија честитки преку помошниците по повод 80-годишнината од победата на Советскиот Сојуз и неговите сојузници над нацистичка Германија во Втората светска војна, соопшти Кремљ.
– Тоа беа топли зборови, меѓусебни честитки за нашиот заеднички голем празник, изјави советникот на Путин за надворешна политика, Јуриј Ушаков.
Русија ја одбележа 80-годишнината од победата над нацистичка Германија денеска со воена парада на Црвениот плоштад во Москва, на која присуствуваа десетици светски лидери. На прославата не присуствуваше американската амбасадорка Лин Трејси.
Од Марина Илиевска Извор МИА
