Во рамките на самитот на НАТО, премиерот на Албанија, Еди Рама, заедно со албанската делегација, која вклучуваше министерот за Европа и надворешни работи, Игли Хасани, министерот за одбрана, Пиро Венгу, и началникот на Генералштабот на вооружените сили, Арбен Кинѓи, остварија средба со генералниот секретар на НАТО, Марк Руте.
Преку објава на Фејсбук, Рама информираше дека едно од главните теми на разговорите била големата инвестиција во новото пристаниште во Драч, каде што НАТО ќе биде ангажиран за изградбата на воениот терминал.
„Беше задоволство да се сретнам со генералниот секретар на НАТО и мојот драг пријател, Марк Руте, со кого разговаравме за обврските на Самитот, Западниот Балкан, големата инвестиција во новото пристаниште Драч, каде што НАТО ќе биде ангажиран во изградбата на воениот терминал, како и за подготовките за Самитот во Тирана во 2027 година“, напиша Рама.
Исто така, премиерот Рама истакна дека како што беше претходно најавено, на самитот во Хаг треба да се потврди Албанија како домаќин на Самитот на НАТО во 2027 година.
