Управата за криминалистичка полиција во Белград, по наредба на Вишото јавно обвинителство, спроведе голема акција во која беа запленети 1.958 килограми марихуана. Дрогата, спакувана во црни кеси, има улична вредност од околу 20 милиони евра.
Операцијата се одвивала на повеќе локации во главниот град на Србија, при што биле уапсени неколку лица под сомнение за производство и трговија со наркотични средства.
Според полициски извори, ова е најголемата заплена на дрога во историјата на Белград. Првичните проценки укажувале на околу 1,5 тони, но по мерењето било утврдено дека количината е речиси два тони.
Со оваа акција, властите оценуваат дека е нанесен значителен удар врз организираниот криминал во регионот, а претресите продолжуваат и во наредниот период.
