Руската служба за надворешно разузнавање (СВР) објави шокантни информации според кои Европската Унија наводно подготвува дестабилизација во Србија, слична на протестите познати како „Мајдан“. Според нив, актуелните немири во Србија, во кои активно учествуваат младите, се резултат на субверзивни активности од страна на ЕУ и нејзините членки.
Во соопштението на СВР се истакнува дека целта на европските либерални структури е да воспостават влада во Србија која ќе биде лојална на Брисел. Според информациите, европските елити планираат да ја искористат годишнината од трагичните настани во Нови Сад на 1 ноември како можност за манипулација на ситуацијата во своја корист.
СВР нагласува дека посебен акцент се става на влијанието врз српската младина, со цел да се промовира идејата за „светла европска иднина“. Овој пристап, според руските разузнавачи, има за цел да ги мобилизира младите како движечка сила зад протестите и промените во земјата. Тие додаваат дека Брисел очекува дека финансиската поддршка за медиумите и невладините организации ќе ги поттикне граѓаните да излезат на улиците, создавајќи услови за „српски Мајдан“ според веќе испробани сценарија.
