Силните снежни врнежи што го зафатија Мавровскиот регион и поголемиот дел од Западна Македонија предизвикаа сериозни проблеми во сообраќајот. Автомото сојузот на Македонија информираше дека е воведена забрана за движење на тешки товарни возила на патниот правец Маврово – Дебар.
Од Општина Маврово и Ростуше известија дека е целосно прекинат сообраќајот на локалниот пат Леуново – Никифорово.
Во меѓувреме, жители на Галичник доставија фотографии до нашата редакција од патниот правец Маврово – Галичник, кој е блокиран поради паднати дрва. Повеќе мештани, посетители и членови на Коњичкиот клуб се организираа и самостојно започнаа расчистување на теренот.
Редакцијата на „Македонија Денес“ упатува апел до надлежните институции да интервенираат и да ги стават во функција овие и останатите патни правци погодени од снежните врнежи.
