Србија склучи значаен договор со израелската компанија Елбит Системс, вреден 1,64 милијарди долари, за набавка на воена опрема. Оваа информација ја пренесе агенцијата Бета, а договорот е потпишан на период од пет години. Според весникот Тајмс оф Израел, Србија е европската земја која стои зад овој договор.
Во рамките на договорот, предвидена е испорака на напредни ракетно-артилериски системи со долг дострел, како и различни типови дронови, наменети за тактичка и оперативна употреба. Елбит Системс исто така најави испорака на системи за собирање и обработка на разузнавачки податоци, како и напредни системи за ноќно извидување.
Дополнително, договорот вклучува и високо софистицирани ISTAR-системи, кои се наменети за разузнавање, надзор, стекнување цели и извидување, како и системи за електронско војување. Компанијата ќе обезбеди и целосна воена дигитализација, како и мрежно борбено решение, засновано на најновата генерација софтвер и современа комуникациска хардверска опрема.
